مرثية في الشيخ/ وقيان تركي بن خليف الأجود

بدر بن دهام  مرثية في الشيخ/ وقيان تركي بن خليف الأجود
ابوعبدالرزاق رحمه الله
كلمات الشاعر/ مشاري بن فهد الغنيم المطيري

مرحوم ياللي تكسب الطيب يمناه
هذا هو اللي بين ربعه .. فقيدة

يالله عسى في جنة الخلد مثواه
ويغفر له اللي يعبدونه .. عبيده

من راح ابو تركي وجات المعاناه
صرنا نشوف ان البسيطة شديدة

مافيه لا مثله ولا فيه شرواه
فصدورنا من يوم قفى وقيده

ترثاه عكفان الشوارب وتنعاه
ماهوب لا يرثى وينعى بقصيدة

الله من وجهٍ يجمّل ومن جاه
فالطيب لا يمكن يخلّص رصيده

يابعد ميقافٍ عن الناس بعداه
وكل المواقف عنهْ ماهي بعيدة

اللي على الزينة من اول عرفناه
يرحل على الزينة بما جادت ايده

يااخوان ميثا يغفر الله خطاياه
والله يعظم اجركم .. فالفقيدة