• ×

08:11 صباحًا , الجمعة 19 رمضان 1445 / 29 مارس 2024

الغني الله / للشاعر سالم الباسط

زيادة حجم الخط مسح إنقاص حجم الخط
بدر بن دهام  (( الغني الله ))


الغنــــــــــي الله والنــــــــاس فقرا

ولا غنى الا غنـــــــــــى الرب الكريم

مـــــن خيالٍ فـــــــــي جناحينه سرا

جاب قاف ابيـــــــــات مختومه بريم

فيه رجل(ن) بـــــــاع ورجال اشترى

والكفيل المعتبر شرعـــــــــــــه غريم

فيه من هـــــــــو ماهتنى بين الورى

راح عمــــــــره ذا صديق وذا جريم

بالتجاره فيـــــــــــــــه ربح ومخسرا

التجاره مابهـــــــــــــــا رجلً فريم

بالكلا والنــــــــــــــار والماء خشرا

كــــــــــــل خلق الله ما منهم حريم

علّم اللـــــــــــــي جاهلٍ به مادرى

بين فتخات الزمــــــــن ذاك البريم

شوف ضلع قيـــــــــال ماهو يكبرا

لا يشب ولا يشيـــــــــب ولا هريم

طول عمــــــــره صامدٍ فوق الثرى

ماتغير لــــــــــو طغى سيلٍ عريم

وفي نبات الارض حاـــي والشرا

وفيــــه ناعم ملمس وفيه الصريم

اعرف الارض الوخيمــــــه والمرا

واستقي مــــــن ثلة الليل الطريم

ركعةٍ فـــــــــــــــي منثنى ثلثه ترا

مع مناجا الرب وخل اللي ضريم

وقبلها بالشفع سـســـــــرٍ وجهرا

خل نوامه عــــــــــــى وجهه دريم

البدر خمســــــــــة ليالي وعشرا

والسيول اليا درجت ارضه خريم

علّــــــــــــم اللي راح ليله يسهرا

ان فاطـــــــــر ليلته تصبح وريم

ذاك ليلٍ جـــاهاه صبحه واسفرا

ثم بعـــــــد الصبح ليلٍ مستريم

كلـــــــــــنا لا شـــــــــك لله فقرا

كلنا فـــــي مرتجى الرب الكريم

سالم محمد الباسط

بواسطة : admin
 0  0  1.3K
التعليقات ( 0 )