• ×

09:57 صباحًا , الجمعة 19 رمضان 1445 / 29 مارس 2024

رثاء الشاعر حمود بن خلف الخطيمي في الشيخ : زيد بن زياد

زيادة حجم الخط مسح إنقاص حجم الخط
زيد القصير  هذه القصيده رثاء في العم الغالي
الشيخ / زيد بن زياد الخالدي
زيد الكرم وزيد الحكمه وزيد الخبره
وزيد التواضع وزيد الكبرياء

الله يصبرنا على طيحة السيف
وعزي لكف الجود لا طاح سيفه

النجم لا من طاح طيحة مراديف
مير القمر لا طاح منهو رديفه

هذاك ابو صالح زبون الملاهيف
من غيث جوده سال وادي حنيفه

داره ربيع القوم في كنة الصيف
نسناس واحه بالسنين المخيفه

فرقاه ماتسعد سوى الكبش للضيف
وخدام ربعه جو بعداد ضيفه

فمه يجيب الناس بالطيب لا حيف
وعينه عن عيوب الجماعه كفيفه

ياثقل نفسه في نفوس الملاقيف
ونفسه على نفوس النشامه خفيفه

فعله اشهوده ما يزكيه تعريف
تلقاه بدروب الفجوج الشريفه

حكيم نظره ما يعسر التواصيف
ان قال يعني والمعاني عفيفه

انا اشهد انه عزوة ٍ للمكاتيف
واللي زمانه كتفه في رغيفه

ربع تجي وربوع راحوا مناكيف
قوافل الضيفان مركز مضيفه

واللي يعزيني خشومٍ مراهيف
سيوف ال زياد من خشم سيفه

خلف حمود

بواسطة : admin
 0  0  1.7K
التعليقات ( 0 )