رثآء بعبدالله بن عرفج الجابر (ابوطلال)

جابر الضويحي #جابر_الضويحي
رثآء بوالدنا عبدالله بن عرفج الجابر (ابوطلال)
رحمه الله واسكنه فسيح جناته وألهم اهله وذويه الصبر والسلوان

يدعون لك كل الأرآمل والايتام
يابوطلال اييييه افقدوك اليتاما

ابوطلال اللي على مر الاعوام
اشبع بيوتن كان اهلن اصياما

خيره تعدى الجوف لضعوف الاشوام
يبذل ويعطي مالحقه الملاما

ابوطلال اليا ذكرته للآنآاااام
كلن دعاله حين صلى الامااااما
عابد لربه صاينن دين الاسلام
الضلع يشهد له وغيره نياما

ليله قضاه فمسجد الضلع ماينام
يبني فبيتن شيده بالقياما

يبي اليامنه رِدم فوقه اكوام
يلقى عمل ذيك السنين ايتناما

يالله ترحم من فقدنا له ايام
في جنة الفردوس يابوالنشاما

رحل كريم وراح لي رب الاكرام
يارب ظيفك وانت مسك الختاما
يافارج الكربه على كل منظام
ترّحَمْه يامشفي كسير العظاما

عاش ورحل بعيد عن كل الآثآم
والعبد عندك يالولي مايضااما

راحت معه لزمه اليا قالها قام
ربي وربك بعد ختم الكلاما

صلاة ربي عد منهو نوى صيام
على النبي ازكى صلاة وسلاما
عبدالله بن محمد السعران