الشاعر ناصر الخالدي

الشاعر يا مركب الاسلام بالمملكه أرْس
حاميك من يعّلم ما تخفي السراير
الحوثي وصالح ومن يتبع الفُرْس
في معتقدهم شي ما هو بصاير
المملكه واقيادة المملكه ضرْس
إليا شلعّته يصبح الدم ثاير
من دونها شرسين تاطا على الشرْس
ولجل الأمن واسيادته ما تخاير
لا جا نهار الحرب كن عندها عرْس
وعلى معاديها تسوق البشاير
الدين ساقيها وحد الحرم غرْس
والعمر يرخص عند مس الشعاير
كم واحدن المملكه اعّطته درْس
وقامت على راسه تجَر الجراير
بمدرعاتن تدهك الارض بالترْس
وبطايراتن يرجفن بالذخاير
تمسح ادموع اعيون من ضيمها خرْس
ولثارها ما تفتكر بالخساير
عند المصامخ تضرب الروم بالفرْس
وما قدّر المولى على العبد صاير

كلمات/ناصر الخالدي