#الشاعر:سيف بن ابراهيم الجبري

الشاعر الشاعر:سيف بن ابراهيم الجبري
ياهاجسي معاد فالمجلاس خير
ولاعاد تركد مادام بيوتك فريدة
قلته وأنا شاعر فاللوازم ماستخير
وأضرب على الكايد واشب الوقيده
في وقفتي مااحسب للمخاسير
وفي مدتي ارهي على الشره وازيده
نصها ياهاجسي لحفيد المناعير
اللي نباهم بان عند البديده
بالطيب والمرجله وقو السعاطير
وروس تطابخ بالعلوم الحميده
سلام سلامن أحلى من حليب المصاغير
على الذي يتعب على رد السديده
سيف ولد سيف وعلومه مظاهير
مهيب تخفى على الوجيه السعيده
وافي مطنوخ ولا يسوق المعاذير
وعلى سنام المرجله طاغي رصيده
في وقفته تخضع شيوخ وجبابير
وفي هيبته يبطي الزمن مايبيده
من آل سيف اللي ترحب بالمسايير
وصغيرهم للمرجله زاد جيده
جبور لاصاح المنادي تيااسير
يركد لنا كبير قوم ولا وليده.
خوالدن تاريخنا مثل السحاب المزابير
ماينجهل لو تجيهله ناس عديده
حنا حكمنا بالسيوف البواتير
من شواطي عمان للشام المجيده
دولة في بطن دوله ايه حنا الاساطير
الخوالد والخوالد ماتوفيهم قصيده
مجدنا بين ولو حاولت تخفيه المشاهير
هاماتنا تطغى على كل سيده
قلته وكل القبايل حقها راس الظواهير
بالفعل معروفه وبالطيب كلن تزيده
وختامها صلًو على اللي نزل خير وتباشير
نبي الله محمد هو افضل عبيده .