#عبدالله_الضليعي_الخالدي

الشاعر "النايفية"
ليامن قيل وين اللي يشيلون الثقيلاتي
لنا بالنايفيه حق وردو الحق لاصحابه
وقف شيخان واول من يهزم المستحيلاتي
حديهم وقفته تفتح ميه وستين بوابه
اجل وشلون ميقاف اربعه وقت المهماتي
حلاحيل الرجال اللي ترد الحق لانصابه
يقولون ويطولون وذخرنا بالملماتي
تنومسنا مواقفهم وللتاريخ كتّابه
لفهد عجران والفارس حمد ازكى تحياتي
مع بداح الكليب وبن عقل خالد حجا اللابه
يا حي اللي معاهم تصبح الصعبه سهالاتي
عساكم فالوجود وفخر لاهل عنك وسنابه
بسم من يسكن ديار الاكارم والحمياتي
بشاره يا شباب عنك لكم دعوات ومجابه
وهذا قولي واعده لكم في كل حالاتي
عسى الزيف وهله لقصف طياره ودبابه
رفعنا البيض للمجدل وهم بين المجراتي
منازلهم وفيهم تضرب الامثال وامهابه
ياكن بوصفهم دجله وطبع الجود الفراتي
كريمين العموق وكفو للدعوات والجابه
اقوله وانا عبدالله فهد متعب والاثباتي
صبيحي والضليعي اسم جدي شلاش واحضى به
وصلى الله على الهادي محمد باخر ابياتي
عدد من حرّك لسانه بذكر الله وسبابه

#عبدالله_الضليعي_الخالدي
الأحد ٢٤ ذو الحجة ١٤٣٧
#شعراء_بني_خالد
#بني_خالد