#ماجد_الزيد_الخالدي_ولاية شما

الشاعر ولاية شما/. ماجد الزيد الخالدي


من ينتصف لك متى بالله ياشما

من ضيم وقتك وظلمة واقع الامة

دهور مرت عليك وحالتك غما

سبة تقاليد مع عادات منسمه

باسم النبي يكبتون الحق ياعما

وبري منهم من اقدامه الى العمه

باسم الولاية طموح البنت منطما

وش عاد لاصار واليها ذكر رمه

ممنوعة العلم الا من تحت كما

ممنوع تالي ولدها تموت مهتمه

لوهي طليقة تذوق المر يتحما

تموت مرة ومرة والف منثمه

إما حرمها ظناها بحكمن مدما

ولا مع عيالها تحيى وسط صمه

ممنوع تصرخ ولو طاحت لها بجما

وش عاد لو كان واليها هو الجمه

ممنوعة تسوق مثل الخلق يا إما

مع سايقن واجنبي ماتدر وش أمه

يامدعي غيرتن مسمومتن سما

تسوق ولا بسايق يطمع بخمه؟

ممنوعة حقوقها ولا تنطق بفما

وليا حكت قالوا اهل العهر منضمه

منضمه لحزب ليبرالي وتتسما

العاهرة والعهر بعقول هاللمه

مافيهم الي لشاف الجور يغتما

ملعون رجلن يشوف الحق مازمه

انا بشرع النبي ياجعله يتما

وانتم بشرع الجهل ولا أنتم بيمه

متمشلح سموت جداني ومعتما

عمة قريشي تحتها عاطر اللمه

وقت البداوة وشما كيف مع كما

واليوم باسم الشريعة حالها مطمه

وش في حديكم عن القرأن منصما

شرع الله أكبر من العادات بعتمه

يسمع كلام الاله ويرجع لنما

يهذي بكلام الشيوخ اذنيه منصمه

ظلم القوارير فيهم مرجلة .ثما

يجيك عيل ولي وحاكمن بمه!!

من ينتصف لك؟متى بالله؟ ياشما

من جور دهرك وجهلن مالي الأمه/https://youtu.be/xGoW0SvMobI