قصيدة الشاعر الكبير محمد بن نايف الخطيمي بالشيخ موفق بن سعود القاضي

 قصيدة الشاعر الكبير : محمد بن نايف الخطيمي الخالدي
بعد زيارته للشيخ موفق بن سعود القاضي

الى الشهم الكريم الشيخ / موفق القاضي ابو سعود ..

((( ..لانه مثل شرواك يفخر بشرواگ .. )))


ي موفق القاضي .... سلام وتحيه
والحرف ي بن محمد سعود ينصاك

جبت القوافي لك ... سريه سريه
من باب طيبٍ فيگ ي شيخ يكساك

ماهي غريبة ... فزعتگ خالديه
وعزيمتگ شيمة بها العود رباگ

يوم اتصالك عقب هاك العشيه
تسأل عن بناخيگ ي كبر مسعاك

وانا اوعدگ لو كنت ماني هنيّه
أني امر في مجلس الجود والقاك

جاك الغلا من قلب وافي هديه
تستأهله ي موفق بفعل يمناگ

تستاهل وجعل المشاعر نديه
وتفيض في جالك وترسي بمرساگ

لانه مثل شرواك غالي عليّه
ولأنه مثل شرواك يفخر بشرواك

ي موفق بجمع الجماعه وصيه
وصابها شيخٍ سمعنا به هناك

هذاگ علّم سعود بين البريه
علم ينومس ماهو بعلم يشناگ

علمٍ ورثت .... وموقد النار حيّه
واخذت من طيبة محمد سجاياك

رحابتگ والعود والشاذليه
يكفي ثلاث اشيا من الروح تزهاك

غالي ومن غالين واغلى شويه
في كل الاردن طاب طيبك وملقاگ

هذي بيوتي ي موفق هديه
لك قالها ولد الخطيمي ولبّاگ .

محمد بن نايف الخطيمي