#ماجد الزيد الخالدي

الشاعر ‏المراجل تشبه الصم الجبال
والرجال افعال وأكثرهم هبيل

لايغرك بالحكي راع الجدال
المواقف هي تميز كل قيل

‏قد بخنت أن الاسامي وبن آل
واخويان الليل ماتشفي غليل

المعادن تختلف حسب الخصال
والذهب ياهو على الدنيا قليل

‏حق للأنثى التفاخر بالرجال
والرجل يفخر إذا فعله جزيل

شف كثر شعارنا بأية مجال
واكثر الشعار ب فعوله هزيل

والشيوخ الي يفكون الغلال
روحوا مع ابن شبعان ودخيل

مابقى غير الشيوخ الي يقال
ياحلو مشلاحه ووجهه جميل

واشهد لمن فك عسرات العضال
البدر ماقصر بحق الدخيل

البليهد راسي وكنه قيال
لو يميل تميل به حيزا تميل

لو خلت منه هل الحيزا شمال
مابقى لي عقب اخو عينا مقيل

حام فوق وفك عوق وله جلال
ولا لغيره سوق في مطراد خيل

اشهد انه ريف وسموت وظلال
واشهد ان الوقت من غيره عليل


عام الفين وسبع طعش الحلال
صار نادر والحرام يلم جيل

سكرة شيوخ الدجل حد الثمال
ماهضمت الدين من تحت الشليل

دين طه كالغريب بضيق حال
لكن مسيلم له الباع الطويل

ذبحت المسلم لها ينهد جال
ماتحرك منهم اصغر ذليل

اردف من الدمع هالن فوق هال
واشرب من غبون وقتي بالسبيل

‏من نصاني لاقين ليث العيال
والفعل مصداق للقول الثقيل

كان مابذل جاهي لجزل الجمال
لاتسمني ببو زيد الجليل