#عبدالله_الضليعي_الخالدي

الشاعر #عبدالله_الضليعي_الخالدي
#شعراء_بني_خالد
#بني_خالد
#ال_مسلم
#حلب_لبيه
#قطر
#مطوعين_الصعايب
••••••••••
"مطوعين الصعب"
كعبة المضيوم وسادنها تميم
حي فال اللي لفى دار السعد
دار عز وبيت مجدٍ من قديم
وآل ثاني طنب بيته والعمد
دار ابن ثاني مخضعّة الغريم
مطوعيّن الصعب حكام البلد
دارن اتعز المواطن والمقيم
ومزبن اللي في حياته مضطهد
دوحة الامجاد والنهج الحكيم
ذخر للسُنَّة وقل هالله احد
قادها بالعزم والحكمه تميم
سيف عدل وكف بذلٍ ما زهد
والله ونعم الزعامه والزعيم
ودام عزك يالتميمي للابد
وللمسلّم في قطر عقدٍ نظيم
ترثة آل حميد ماضيهم شهد
بالكرم والطيب والفعل العديم
من بني خالد وهم درع وسند
هم هل التاريخ والمجد العظيم
احتموها بالعتاد وبالعَدَد
ربعي وعوق المعادي والخصيم
محتمين الدار من قبل وبعد
الزحول اللي مواقفهم تهيم
فكرة الغازين منها بالكمد
صار حظ البرتغالي البهيم
جاها مستعمر وصدوه وشرد
اقسم برب المشاعر والحطيم
ما انغبنا وباقيٍ فينا ولد
الوطن غالي وحبه بالصميم
تنقله الاحفاد عن ابٍ وجد
ومن بعد جيّة ملكنا يا نسيم
يوم يرزف في عصاه ابو فهد
نحتمي دولة قطر عن كل ضيم
ونفدا حاكمها تميم ابن حمد
•••••••••••••••
عبدالله الضليعي الخالدي
مشاركتي في حفل
قبيلة المسّلم من بني خالد
باليوم الوطني في قطر
السبت ١٨ ربيع الأول ١٤٣٨
الموافق ١٧ ديسمبر ٢٠١٦