تيسير محمد الدرعان الخالدي عمان الثلاثاء #ابيات باخي باسم صالح الشيحه الخالدي

الشاعر ابيات باخي باسم صالح الشيحه الخالدي
وهو رجل شروا الطيبين قريب من كل خير مايخليني بالصغيره والكبيره ودايم يتصل بي يسال ويسلم وذكرته امس بابيات
===== ====== =======
الشنب لاصار ماهو بفعل باسم تحلقونه
ومن قصر بالفعل عنه لا يربي له شنب

خطو رجلا لا تفاخر بالشنب ذل ومهونه
وبالفعايل والحكايا مثل راعيت الهدب

بس باسم ياجماعه غير وانتم تعرفونه
رجل عظمه من حديد وخافق ضلوعه ذهب

لا فزع يفزع طناخه ما احتراكم تزهمونه
ولا وقف وقفة صميدع مختلط طيب وادب

يابن شيحه انت وافي والرجل تحكي عيونه
عن فعوله عن رباته عن علوه بالنسب

يالقريشي يالمفصل يا السند للي يجونه
والله انك من جماعه وافية اصل وحسب

ايه انا لوني مدحتك مقصدي ارد دونه
الشهاده فيك تقصر خوف يلحقها عتب

انت فعلك يابن شيحه كثرو اللي يمدحونه
بالصقاره والشذاره رمز يعرف بالعرب

انت وافي وابن وافي صاحبك زانت ظنونه
اقتبل للعذر منه واقبل اللي هو كتب

وختمها صلو على المختار ياللي تذكرونه
واقبل اللي من وسط عمان جالك منتدب

تيسير محمد الدرعان الخالدي
عمان الثلاثاء 5/3