#امرالحكومه / الشاعر ناصر الخالدي

الشاعر #امرالحكومه / الشاعر ناصر الخالدي
https://youtu.be/NlJdJI0zIOk
شهر ارمضان الرابح اللي يصومه
ويجنب المحذور ويعيش ب امان

وامر الحكومه في يدين الحكومه
خلو علوم افلان وافلان وافلان

كثر الحكي يا ربعنا وش لزومه
العلم كله والسنع عند سلمان

من فضلكم كل ان يجوّد اعلومه
اعلومكم مثل المكوسر بالالحان

نوبن حزين وضايقن من اهدومه
ونوبن يجر الصوت شايش وطربان

كم واحدن يا ناس كثرت اهمومه
عيّن مفاتيح الفرج دون بيبان

لا مهتني في زاد وبحلو نومه
يراقب الاخبار مع كل عنوان

وكم واحدن يا لعنبو من يلومه
متحيّرن ما بين راضي وزعلان

وان قيل ليه وقيللي ويش قومه
بقول عنه يوم ماني بغلطان

تطري مداهيله وتطري ارسومه
قناص والا عند حلوات الالبان

وترا السعد مستبشرين بقدومه
بشرا دريكن شاف نجم الفرج بان

والله يعز الأمن والله يدومه
حكامنا واشعوبنا ربع واخوان

الارض مامونه والدار محكومه
من الكويت إلين ما تاصل اعمان

الشاعر/ناصر بن حمد الخالدي