#مدير المراكز الشاعر/ناصر بن حمد الخالدي https://youtu.be/m7Jn43DLF_U وجودي على السجه وجود ابلجن ذوده

دهام الرطبي #مدير المراكز الشاعر/ناصر بن حمد الخالدي
https://youtu.be/m7Jn43DLF_U
وجودي على السجه وجود ابلجن ذوده
حراوي الشهر ما شافها والبطا طرّي

مدير المراكز سكّر الباب واحدوده
ولا في يده حيله ولا هو بمتجرّي

وجميع الدروب اللي على البر مسدوده
وهو للأوامر تالي الليل متحرّي

تذكْر له ابلن كنها ابله وماجوده
على مان جنوب وضمها شايبن مرّي

وكبده على ابله من ردا الحظ ملهوده
وراعيه جواله غدا رقمه السرّي

ومن غبنه ادموعه تهامل على اخدوده
ويم الدكاتر من ردا حالته سرّي

وحاله بدا نقصه يغطي على زوده
ولا فاده امطوع ولا فاده امفرّي

وصارت عليه اهموم الايام مرجوده
ويتهم من الفجعه كثيرين ويبرّي

ويدعي عسى وقتن مضى ربه ايعوده
ويفلج ليا من الامر بالبطا طرّي

الشاعر/ناصر بن حمد الخالدي