⁧#اليوم_الوطني_السعودي٨٧ •معجزة عبدالعزيز•

دهام الرطبي ⁧#اليوم_الوطني_السعودي٨٧
•معجزة عبدالعزيز•
اليدين اللي ارفعت قواعد البيت العتيده
ودعوة ابراهيم ابونا سيست للخير نادي
كان حلم وصار علم ولأنها دعوه فريده
صار للاسلام قبله وبالحرم نادى المنادي
لا اله الا الله الوالي على كل البديده
والرسول محمد المبعوث بالقران هادي
صل ياربي وسلم وارفعه منزل وزيده
ياعسى ما ننحرم شفاعته يوم المعادي
يوم توحيد الوطن غالي وذكراه المجيده
لا الوطن عادي ولا الانجاز والتطوير عادي
يوم وحده للقبايل والحدود وللعقيده
فارقٍ عن جملة الايام ودمتي يا بلادي
انتهض عبدالعزيز الفذ وايمانه رصيده
وجمّع اطراف الجزيره حاضرتها والبوادي
واستتب الامن واصبح للعدل دوله رشيده
وانحنى التاريخ لاحلامه وزاد الخير زادي
معجزة عبدالعزيز ونظرته كانت بعيده
وكلنا في مثل هذا اليوم ينظرها وكادي
والملوك اللي توالو عقب ابو تركي فقيده
من رحل منهم وشّيد للبلاد وللعبادي
سادو ومدوّ ونادو بالاشاوير السديده
والسياسي منهمّ كمّل مسار الاقتصادي
ورثــّو الامجاد والافذاذ سنتهم حميده
في قضايا العرب والاسلام ما فيهم حيادي
لين عهدك يا ملكنا عهد الامجاد التليده
متعب التاريخ بأفعالك بحزمٍ واجتهادي⁩
يا عسى عمرك طويل و كل لحظاته سعيده
يالحكيم اللي تبدّى بين راعين المبادي
يا ملكنا يا فخرنا يا ذرا المجد وعميده
جعل ربي ينصرك يابو فهد على الاعادي
يوم توحيد الوطن غالي وماضي نستعيده
صار للاسلام دوله دورها .. دايم قيادي
#عبدالله_الضليعي_الخالدي
⁧#اليوم_الوطني_السعودي٨٧