هذي القصيدة إهداء إلى بني خالد عموما وال عريعر خصوصا بمناسبة عتق رقبة فيصل بن عبدالله ال عريعر

 هذي القصيدة إهداء إلى بني خالد عموما وال عريعر خصوصا بمناسبة عتق رقبة فيصل بن عبدالله ال عريعر


قومي بنات الفكر غني بالألحان
وتبختري يا قاف وارخي رسنها

الراس شايش بالطناخة وطربان
والنفس فرحى عقب همٍ حزنها

الليل عيد وبقضي الليل سهران
فيصل عتقه الله وسلم من رهنها

مبروك يافيصل عسى الحظ ربحان
ياجعل فالك سالمٍ من غبنها

واللي قضى ربي فقد كان ماكان
واليوم درب الحق فاسلك سننها

ومبروك ياربعي سلايل كحيلان
اللابه اللي رابحٍ من زبنها

ربعي بني خالد ملوكٍ لهم شان
فازوا بوقفة مانشدوا كم ثمنها

كلٍ عصب راسه تحزم ولا لان
الكل له وقفة ولا حدن طمنها

في طيبهم قولي موثق ببرهان
منهو نصاهم حاجته قد ضمنها

وبيض الله وجه ساعي بالإحسان
والله يعز رجال هذا زمنها

والحمد لله مخزيٍ كل شيطان
الله ولا غيرة بردها ودفنها


الشاعر / حسن بن فهد آل طلحاب العقيلي الخالدي
ليلة الأربعاء 1439/1/27