#عين اليقين. #عبدالله_الضليعي_الخالدي

 #عين اليقين. #عبدالله_الضليعي_الخالدي
قلبي يقديني وعْرف البشر فن
لي نظرةٍ والحمد لله صايبه
ماهو بنا اللي تخدعه ضحكة السن
اجزم على الكايد ولانيب هايبه
عين اليقين اقطع بها دابر الظن
واللي جهل ينشد من الوقت شايبه
ولا عاش رجلن في حياته تمسكن
ورزقي على اللي ما تعدّد وهايبه
حنْ الخفوق اللي له اسنين ما حنْ
حنّة وله من لا دله وقت غايبه
لين استجبت وجبت من قال لي غن
بأحلى قصيده واحسب النفس تايبه
صحيح من قال الهوى خالطه جن
يفنى الهواوي والهوى في طلايبه
واعرف قبل ما اسند قصيدي على من؟
به من يعيب القاف والقاف عايبه
وبه من كتب ونيّت وهو ما بعد ونْ
ومن يمتدح نفسه مساعيه خايبه
هذا جوابي قبل ما تخلف الظن
والحال نفس الحال ماهيب طايبه
#عبدالله_الضليعي_الخالدي
#شعراء_بني_خالد
رابط الفيديو على قناة بني خالد. https://youtu.be/dQXwd8Ii8ko
#بني_خالد