#غلطة قريب #حمد الدليهي

 #غلطة قريب #حمد الدليهي
رابط الفيديو
https://youtu.be/mWyOhraiO90
من مدرسة تعليم كل المواجيب
عندي شهادة عرف هي راس مالي
خذيت من سود الليالي تجاريب
وانفق لْستر الوجه غالي حلالي
دوم اتحاشى ماصطدم بالاصاحيب
لاصار مايشغل خطى البعض بالي
النفس حاشمها ولاتقرب العيب
وان ضاق صدر وصدر صدري شمالي
واللي تردى بي لقى مني الطيب
فعل الردى ماهوب سلمي ولا لي
امشي مسافاتي على نية الذيب
نظرات عيني عانقت كل عالي
هفوات ضيف وجاملوه المعازيب
وابدمح الهفوات من شان غالي
غلطة قريب وفي محل الاجانيب
خليتها في وجه عمي وخالي

حمد الدليهي