قصيده مُهداه للشيخ محمد بن علي المجدل الخالدي.

دهام الخالدي هذي القصيدة إهداء إلى الشيخ / محمد بن علي المجدل الخالدي. بمناسبة ماقام به من جهود مشكورة في إقامة مخيم لبني خالد في الصياهد مكان مزاين الملك عبدالعزيز للإبل.


يالله ياللي تجزي الطيب بإحسان
تجزي رجالٍ وافيه في وعدها

أهل الجمايل في المواقف لهم شان
منصى وثابت في الصعايب وتدها

يابو علي يزهاك مدحي وقيفان
فعايلك بيضاء وكلٍ حمدها

الساس طيب من سلايل كحيلان
طابت وطيِّب جدها مع ولدها

يامحمد المجدل لسيرتك عنوان
منهو بغاها يامحمد وجدها

كل الخوالد شاهده في حفل كان
وسط الصياهد راكز لك عمدها

راعي بشاشة والكرم ثابت أركان
هذي حقيقة مثبت لك سندها

مواقفٍ طلقى ومدهال ضيفان
مشارب العزة ترى قد وردها

قرمٍ مضرى صايبٍ كل نيشان
أقدم يابن مجدل تحزم وقدها

ربعك معك لوكان في وجه بركان
ماضرنا قومٍ تموت بحسدها

الموقف الطيب فراعيه ربحان
واللي تردى كل قرمٍ نقدها

راعي المواجب بذن ربي فهو معان
منهو بغى السفلى فلا احدٍ فقدها

وختامها يارب ثبتنا بإيمان
حتى ننال الخلد نطعم شهدها


الشاعر / حسن بن فهد آل طلحاب العقيلي الخالدي
1439/4/29
سناب / hfmtk