#زين المعاني #عبدالله_الضليعي_الخالدي .

 #زين المعاني #عبدالله_الضليعي_الخالدي
.
زين المعاني كل ما مّنه عجب
حاز المثايل كلبوها والعجيب!
.
انّه ليا منّه تنحّى واحتجب
مبعد بزوله لكن بروحه قريب
.
زين المعاني بنت من روس العرب
رفيعة المنزل وأنا ساسي عريب
.
بنتٍ ولا كل البني حشمه وأدب
عفيفة الجانب ومنطقها اديب
.
تبت يدين اللي تقصدها وتب
نظرات واليها فلا يمكن تخيب
.
مرّت كحلم الليل في لحظه هرب
وابقى لي الذكرى مع الصمت الرهيب
.
تقول (عبدالله) أنا عندي طلب!
لا فرّقت من بيننا الدنيا نصيب
.
لجّنة الفردوس لا تذخر سبب
لعّلي اشوفك بها عما قريب
.
وجاوبتها بالحال يا بنيّه وجب
يالله عسى ربي لدعوانا يجيب
.
وان كنت أنا بصبر على الفرقا غصب
بصبر على شان المحبه يا حبيب
.
بعض الغلا يا غاليه ما ينكتب
وان جيت اعبّر حرت مدري ويش اجيب
.
ابذكره بالخير واصبر واحتسب
وإليا طرت بدعو لها في ظهر غيب

#عبدالله_الضليعي_الخالدي
رابط الفيديو على قناة بني خالد
https://youtu.be/LfzPb5NTcfY