قصيده في عشيرة ال مطر من بني خالد

 هذه قصيده في عشيرة ال مطر من بني خالد إهداء من محمد بن شمردل الخالدي
.

حنا لنا في قمة المجد عنوان
نبقى على طيب الفعايل عزيزين

أهل المطر وأن ضامك الوقت مزبان
أقدم وتلقى في دروبك رياحين

اللي بذراهم دايم الدوم كسبان
يشمخ على ماراد شمخ السلاطين

ان جيتهم بالسيف والحرب شجعان
تلقى شجاعه فوق حد المجانين

وان جيتهم بالطيب ربعي لهم شان
الكل يشهد لا عطينا كريمين

عيال دندن هم مشايخ وفرسان
واهل السياده يوم عصر الميادين

وكل الشمردل هم على الراس تيجان
مثل الذهب لاجاك غالي التثامين

واهل الفخر والطيب لاقلت عوجان
اهل الوفا منزلهم الراس والعين

متبادلين الطيب من ماض الازمان
حنا لنا بالطيب دار وبساتين