• ×

08:33 صباحًا , الأربعاء 2 ربيع الأول 1444 / 28 سبتمبر 2022

الشاعر خالد بن نهار الخالدي ( يا قمة )

زيادة حجم الخط مسح إنقاص حجم الخط
دهام الرطبي الشاعر خالد بن نهار الخالدي ( يا قمة ) @alkhaldi_kn
( يا قمة )
سلام ي اللي عليك الروح مهتمه
ياتاج رأس القصيد وسبت إلهامي

جيتك وانا فيني الأشواق ملتمه
وتفجر الشوق يوم اقبلت قدامي

خليت كلي يجيك بعالي الهمه
ريحت فيني خفوقٍ كان منضامي

يابو الغنج يا شبيه الريم يا قمه
ياللي بك الزين من رأسك للاقدامي

ياتاج راس الحسن ياخاله وعمه
ياجامع الزين من خالك والاعمامي

الزين ماهو يهمك لاكن تهمه
يانسل روس العرب يانسل الاكرامي

من شاف زينك بعينه يخلف اليمه
وانا اتلبك ليا مريت قدامي

من لامني في جاملك جاته مطمه
يبكي حياته ندم ويعض الابهامي

واليوم عقب الغزل والضحك واللمه
ماكني الا سجين وحكمه اعدامي

بعض العرب لا جفا ماعادني يمه
وبعض العرب لا جفا يجدد الامي

#خالد_بن_نهار
رابط الفيديو على #قناة_بني_خالد
https://youtu.be/JtVbOKGPQQU

بواسطة : admin
 0  0  1.0K
التعليقات ( 0 )