الشاعر عقيل بن عبدالمحسن النايل

 .

هذي قصيده في عقيل بعد ما انهى علاجه فالخارج والحمدلله من فضل ربي اللي عافاه من كل مكروه ولا هي في حقه
.
.
مرحبا ما كنها الا طير حوران الكفو
مرحبا وعداد صيبن يبلج البدوان هله
.
مرحبا وعداد خلقن صوب بيت الله لفو
من مشيّك لا مجيّك كل دارن مسفهله
.
يابوعبدالله المواجع من فضل ربي شفو
واطلب الله ان شفاكم ما يغادر من محله
.
انت نادر وانت صافي يوم غيرك ما صفو
و المدايح ، ما توَّنَّت فيك عجله مستهله
.
وانت موضوع القصيده والقوافي ارزفو
صفت صفوفً تهَوّل طوحو بالصوت شله
.
من طربهم فالقصيده شوف عيني احذفو
غيد فكري لابس البرقع و عن وجهه تشله
.
لعنبو لايم بناتي .. لسّفَهَلَّو و انزفو
من بيوتن لا سمعها كل سامع ما يمله
.
يابو فعلن كل فعلك فوق وصفن لوصفو
من جماله ما يشابهّ الذهب دقه و جله
.
وكل قرمن فالمجالس فالكرم قد سولفو
عنك يا سكين حمرا دايم ذراعك تسله
.
وعن فعولك يا وريث اللي من العين اختفو
بس فعله ماختفى تسهج فعوله كل حله
.
شايبن والعين عورا ،، من سواته وقفوا
كل شجيعً يوم يده تذبح السرحان غَلّه
.
جعل داره في ديار اللي لخالقهم وفو
جنة الفردوس داره جعل جدي منزلً له
.
وانت يا خالي مقامك انشد اللي لحلفو
من حقوقه لا حلف ،، وده يدَوّن سجله
.
ان ذبيحه قد ذبحها و لجل خالي ضّيفو
والضيوف افواج حلت في محله مستحله
.
جعل تبطي يابو ضيانن تولع ما طفو
فالعمر تبطي سنينك كل عمرك فوق كله
.
يابو فعلن كل فعلك فوق وصفن لوصفو
من جماله ما يشابهّ الذهب دقه و جله
.
يابوعبدالله المواجع من فضل ربي شفو
واطلب الله ان شفاكم ما يغادر من محله
.
.
#عقيل_الخالدي
@agl_al5aldi