#قصيدة #الشاعر #محمد الباسط #الخالدي في #مهرجان التمور.

جابر الضويحي قصيدة الشاعر محمد بن سالم الباسط الخالدي امام صاحب السمو الملكي الامير بدر بن سلطان بن عبدالعزيز آل سعود امير منطقة الجوف في حفل افتتاح مهرجان التمور بمحافظة دومة الجندل

الا يالله يامنشي السحاب وداير الافلاك
عليك المتكل والمبتدا ذكرك ونبدا به

انا في وجهك الاكرم دخيل وفي ظلال حماك
عن شرور الزمان و ميلة الاقدار واسبابه

تحت رحمتك يارب الخلايق طالبين رضاك
ومن عندك مقر الخير والتوفيق وابوابه

اله الكون واحد نعبده وحده عن الاشراك
تحت هيبة جلاله كل خلقه ترجي ثوابه

سلام الله يالبدر المشع بطلةٍ تزهاك
تفوح من الولا والانتما واسمى الوفا اطيابه

سلامً ما زهى إلا بك انت ومايبي الا اياك
محمّل بالشموخ اللي زهى بك وانت تزهى به

ولد سلطان سلطان العطا والخير يوم اعطاك
صفاته لين ما صارت لك الامجاد منسابه

تباشرنا بقدومك يوم جيت وكلنا جيناك
على السمع وعلى الطاعه بأمر الله وكتابه

تقدم واقلط الجوف العريق يقوللك حياك
يقلط لك سنام العز وانت العز تحضى به

مشاعرنا تدافع مع بنات الريح في ملفاك
وفرحتنا تعدت كل حدود الجوف وهضابه

الا ياطيب فال الجوف دام الجوف في يمناك
عسى ربي يمدك بالعزم وتجدد ثيابه

وأهل الجوف من عهد الامام وانت مايخفاك
على عهد الوفا مايوم اخلفنا وبقنابه

وحنا اليوم في عهد المليك الحازم الفتاك
على أعداء الامه والوطن والحد وترابه

مليكي يا إمام المسلمين بمعرفة وإدراك
مكانك ذا مكانك وانت الاجدر فيه واولى به

مليك المجد تاريخك شرف والحزم في مبداك
مواقيفك لها التاريخ فز و دوّن إعجابه

ولي العهد خطواته حسب تكتيك وممشاك
هذاك اللي دعم فئة الشاب وهد مخلابه

عسى الله يحفظك يابلادنا ويعزك ويرعاك
وعسى كيد العدو يرجع على نحره ويبلابه

ياموطنا على حدك زحازيح الرجال افداك
على حوض المنايا سيف نصر وسيف سبابه


محمد بن سالم الباسط الخالدي

https://youtu.be/alHQaEx6vU8