• ×

10:00 صباحًا , الإثنين 21 جمادي الثاني 1443 / 24 يناير 2022

هذة القصيدة بمناسبة قدوم جمع من المصارير الدواسر استجابة لدعوة ابن العم الشيخ/ عبدالعزيز بن محمد ال مانع العقيلي الخالدي وأبنائه.

زيادة حجم الخط مسح إنقاص حجم الخط
زيد القصير هذة القصيدة بمناسبة قدوم جمع من المصارير الدواسر استجابة لدعوة ابن العم الشيخ/ عبدالعزيز بن محمد ال مانع العقيلي الخالدي وأبنائه.


يامرحبا باللي لفونا مسايير
من روس قومٍ مجدهم فوق عالي
المدح يزهى في قرومٍ مناعير
خطلان الأيدي كاسبين المعالي
من لاد تغلب جدهم سالم الزير
تغلب هل العليا بروس الطوالي
امن الدواسر والدواسر ترى غير
حازوا علوم المرجلة والكمالي
أخص منهم محتمين المصاغير
لاد الحبيبي مزبن لكل جالي
يناشدي عنهم تراهم مصارير
أهل الكرم ماحسبوا للريالي
حنا بمقدمكم نسوق التباشير
مثل البدو لا بشروا بالخيالي
في مجلس المانع معزة وتقدير
لاد العقيلي عزوتي راس مالي
سعود يقلط للصعاب المكابير
حلالها حتى ولو هي ثقالي
سعود مكتوبٍ بضمن المشاهير
نال الفخر وافي بكل المجالي
في الماقف الواجب فلا فيه تأخير
جزلٍ عطيَّاته بليا سؤالي
وأخص منهم شيخ حاشاه تقصير
سعد ترى للظيف ريف وظلالي
مجلس سعد مابين وارد وتصدير
مثل النهر يروي قراحٍ زلالي
يمنى سعد عنوان للطيب والخير
سعدٍ عريب الجد ويا الخوالي
أبوه ياقف مايعد المخاسير
عبدالعزيز اللي كريم الخصالي
من طيب جودة عده البعض تبذير
ياقف لصعباتٍ تهز الجبالي
لجى زمانٍ فيه ظيم ومعاسير
لاد العقيلي مرخصين الحلالي
حنا بني خالد سلاطين ونجير
والقول مايقبل بليا فعالي
حتى العمى من نور تاريخنا بصير
خوالد منهو نطحهم يزالي
يالله ياللي كل شيٍ بتقدير
تجزي هل الطالات طيب وكمالي
يالله تجعل كل اموري تياسير
يالله تغفر لي لجيتك لحالي


الشاعر / حسن بن فهد آل طلحاب العقيلي الخالدي
1439/8/24
سناب / hfmtk

بواسطة : admin
 0  0  2.5K
التعليقات ( 0 )