#قصيده #الشيخ #بدر بن فهد #البليهد #شيخ #عشيرة #العلي من #القرشه #بعيد #الاضحى المبارك ويحمد الله ويثني عليه على الامن والامان في ظل #خادم_الحرمين #الشريفين وولي عهده الامين وأمير منطقة الجوف حفظهم الله

محمدالناعم #قصيده #الشيخ #بدر بن فهد #البليهد #شيخ #عشيرة #العلي من #القرشه #بعيد #الاضحى المبارك ويحمد الله ويثني عليه على الامن والامان في ظل #خادم_الحرمين #الشريفين وولي عهده الامين وأمير منطقة الجوف حفظهم الله
رابط الفيديو على #قناة_بني_خالد
https://youtu.be/0ptKwWItAq4
ابدي بحمد الله جزيل العطايا
اللي غمرنا في كرمه وعطاياه

قلوبنا من فيض حبه ملايا
وخروجنا واللي بها من هداياه

نرجيه وحده دون كل البرايا
ومنه نخاف وغير وجهه جفياه

عبدك ومنك ارجي ثمين الهدايا
هذا وانا شاكر حفي بماجاه

يالله في بابك عقلنا المطايا
وبدر البليهد بث حامي شكاياه

من دون عونك ماتحقق نوايا
واهدافنا من دون مدك بلياه

عزيتنا بالباديه والقرايا
وطن سعودي يرفع الراس ذكراه

في راية اللي شاد زين البنايا
ابوفهد هو عز شعبه ورجواه

وولي عهده همته بالعلايا
يالله تعز محمد وتخذل عداه

خدامً لمكه وطيبه رعايا
برؤية وطن تعرف هدفها وتنصاه

حب الوطن يملا الضلوع الحنايا
حب القياده دين والشعب يرضاه

وحد الوطن دونه اسود ضرايا
تحميه والعيّال بالويل تصلاه

وخاطبت ابن سلطان عذب السجايا
بدر عسى التوفيق فاله وملفاه

نهدي ونرفع لك عذي التحايا
ياللي ملك حب القلوب بسجاياه

عيدك سعيد ياكثير المزايا
وجه بشوش يسعد اللي تحلاه

وأيديك من جودك وخيرك ندايا
سلطان خط الجود وانتى على خطاه

انت يابن سلطان زبن الهقايا
الحب لك مايعلم الا الله اقصاه

والحر مثلك مايوصى وصايا
نجم لمن يسري يدله ويقداه

الجوف يحتاج القلوب الحنايا
يشكي ومثلك من يعاضد شكاياه

مثل الجمل شال الروي الملايا
برك لهن والعزم وحده هو غذاه

والصبر هو سلم الرجال البلايا
لاشك له حد هلك من تعداه

الياس ماله في سكاكا لفايا
هذا الفرج ياقربنا منه قرباه

لياظلمت فينا جميع الزوايا
مثلك حريً يشعل النور بارجاه

يبيك تكتب له نجيع الدوايا
يمنى كريمه تمسح وتكتب دواه

تطوير ينهض به عقولً فتايا
خص الذي تبخص خوافي نواياه

العز يبغى له عزومً قوايا
زندً حديد ليا سطا جاب منهاه

وحنا على رهن الاشاره وفايا
امرك يابن سلطان والجوف يتلاه

وعضيدك النايب حميد السوايا
عبدالعزيز ابن فهد حي طرياه

يذكر ويشكر كل صبح ومسايا
له بصمةً من فكره وفعل يمناه

ابن الذي بالجيش قاد السرايا
وتركي سند سلطان والنعم يغشاه

نقر في حبه بجهر وخفايا
حتى ولو طول على الجوف يرجاه