#خالد_الدليهي #الخالدي يلعب وشاش امن السطر

فهدالرحيل #خالد_الدليهي #الخالدي يلعب وشاش امن السطر
قومو وتمو يالمناعير الصفوف
الخالدي يلعب وشاش امن السطر

واللعب يالوافين ماهو بمحفوف
ومن يكّمل الصفين له منا قدر

ويامرحبا باللي لفونا من اضيوف
اعداد ماهل المطر باللي حضر

واعداد حجاجٍ على الكعبه اتطوف
واعداد ما ينبت من العشب الزهر

ومن بعدها بمدح امفرقت الصفوف
ربعي بني خالد مقابيس الخطر

اللابه اللي بالشدايد و الصدوف
اتنومس وصيته مع العالم شهر

حنى سلايل هبس والفعل امعروف
وتشهد لنا شبه الجزيره بالضفر

بيض الحباري بالخلا ماجاه حوف
من هيبت اللي حكمهم موتٍ حمر

لاجاء المصامخ واحتمى حد السيوف
تسمع عزاوينا ونبشر بالنصر

كم شيخ راسه طار من بين الكتوف
وكم سربتٍ من فعلنا ماتت قهر

كسابت الناموس في كل الظروف
وبيرق بني خالد على العليا شهر

وكل القبايل كفو ما فيهم اضعوف
وافعالهم وامجادهم ما تنحصر

واختم كلامي عد حجاجٍ اتطوف
على النبي الهاشمي خير البشر

خالد الدليهي .....