#واتساب #شعر #حمدالدليهي

ابوصقر النهدي #واتساب #شعر #حمدالدليهي
#الفيديو على #قناة #بني_خالد
https://youtu.be/EpiXrog19Z0
وين انت يافن السؤال اللي لك اهديت الجواب
ضاعت معالم يمتك واشوف ماغيرك ونيس
ايامك اللي خالده من فوق هامات السحاب
فيها سديد الراي مايبلش ولايشكي تعيس
سلوة مزاجي تنحصر والنفس في حال اغتراب
مكسور خاطر عالمي من غبت يالدر النفيس
في مامضى كانت مجالسنا وصفحات الكتاب
افضل مدارسنا مجالس والكتاب افضل جليس
واليوم تدنيق الأوادم والنظر في واتْساب
راحت مبادي مجتمعنا فلسفة فكرٍ فليس
الحزن في بنك الفرح مستثمر وفاتح حْساب
فاقد مْنقيّين السوالف وابتسامات العريس
دنياي في مشهد سراب وُلاحقايقها سراب
اقيس والا في مقامات الأسامي ما أقيس
الحر ريشه طاح والتجديد في ريش الغراب
العرف بْصدور العوارف صار في وضعٍ حبيس
الصمت ماهو صمت حكمه واحترام الناس غاب
والعشق ماهو عشق ليلى العامري في حب قيس
رضيت والا مارضيت الباب غيره صار باب
من يوم صار السبت عطله والعمل يوم الخميس