• ×

12:16 مساءً , الخميس 18 رمضان 1445 / 28 مارس 2024

#مشاركة الشاعر حمد الدليهي في حفل #اليوم_الوطني ٨٨ في محافظة الخفجي

زيادة حجم الخط مسح إنقاص حجم الخط
ابوصقرالنهدي مشاركة الشاعر حمد الدليهي في حفل اليوم الوطني ٨٨ في محافظة الخفجي
رابط الفديو على #قناة #بني_خالد
https://youtu.be/q0Kfkwr1ZDA
النور شعشع وزاح الليل وسدوله
واكتفّتْ اللي على العتمه سرايدها
واخذت لي في مساحات الفكر جوله
اترك مخاسيرها واشري فوايدها
معاني الشعر منقوضه ومفتوله
والذايقه ماتحب الا فرايدها
في حزةٍ يتعب الشاعر على قوله
قريحته ماتخونه في قصايدها
والحزم له عاصفة والشعب له دوله
دولة فخر والملك سلمان قايدها
الحاكم اللي يْبرهن قوله افعوله
ماهي تصاريح تنشر في جرايدها
جمايله في بطون الشعب مشموله
وشعوب تحتاج فزعاته سنايدها
يوم اعلن الحرب صار وطقة طبوله
كرامة العُرب في ماصار عايدها
شاور شيوخ الخليج وقدموا زوله
والسيطرة مملكتنا من عوايدها
شنّتْ على الحوثي وشنت على فلوله
غاراتها مستمره خاب صايدها
وحنا نبايع وضد افكار مشلوله
ولانْفاوض نواقصها وزايدها
برقابنا سمعة الأسلام محموله
ونذوُد عنْها لياحلّت شدايدها
تمت وعطر الكلام الزين مدلوله
من شاعرٍ باحت شعوره جدايده

بواسطة : admin
 0  0  1.8K
التعليقات ( 0 )