• ×

04:38 صباحًا , الجمعة 19 رمضان 1445 / 29 مارس 2024

#قصيدة #الشاعر خالد صالح محمد #السحيم

زيادة حجم الخط مسح إنقاص حجم الخط
زيدالقصير #قصيدة #الشاعر خالد صالح محمد #السحيم بمناسبة الاجتماع السنوي الرابع والعشرون للأسرة ..
# رابط الفديوه على # قناة #بني_خالد https://youtu.be/5185Mwrgbq8

يا العين لدّي بالنظر يم الأحباب .
اللي لهم بالصّدر قدر ومعزّه.

تجوّلي مابينهم واللقاء طاب .
ونفسي بهم وقت الفرح مستعزّه .

كل الجماعة عندي أحباب واصحاب .
والكل عندي له مكانة ورزّه .

وزودٍ على ذلك بني عم واقراب .
افرح بشوفتهم ترى كل حزّه .

ربعي بني خالد عريبين الأنساب.
تاريخهم فيه الفخر والمعزّه.

شموخهم عالي على كل الأرقاب .
كنّه خزاز اللي وقف جنب خزّه .

لاصرت في مجلس جمع ناسٍ أجناب .
وجاء ذكرهم فزّيت لي كم فزّه .

فزّة فخر ماني بخايف ومرتاب .
يوم ان كلٍّ طيب ربعه يعزّه .

والى عْرِضَتْ لي هرجة انسان مغتاب .
إلساني شوفه للخطأ يستفزّه .

أقفل على اللي ناويٍ للردى باب .
يوم ان نفسه للخطيّة تدزّه .

من دون ربعي باذلٍ كل الأسباب .
والرّجل روحه للحميّا تكزّه .

وصلوا على اللي بيّن الحق بكتاب .
اللي عن دروب الخطايا منزّه .

حساب الشاعر في تويتر

@Mr_abu_sale7

بواسطة : admin
 0  0  1.1K
التعليقات ( 0 )