قصيدة الشاعر الشيخ سطام بن عبدالله العريعر في الشيخ ثامر بن عبد المحسن العريعر عند دخوله المستشفى بسبب عارض صحي شفاه الله.

ناصر العوشن قصيدة الشاعر الشيخ سطام بن عبدالله العريعر في الشيخ ثامر بن عبد المحسن العريعر عند دخوله المستشفى بسبب عارض صحي شفاه الله.

لاباس يا راس الوفا مارث الجود
عساك سالم من صواديف الازمان
باذن الولي المعتلي مجري النود
مشفي مخاليقه من اسقام الابددان
تقوم سالم باحسن احوال وسعود
يالله يالمطلوب شاف ابو سلطان
ثامر عساه بخير والعمر ممدود
وتزيد له يا رب في بر واحسان
شيخ كريم يفعل الطيب ويزود
للضيف والعاني واقارب وجيران
بابه مشرع دوم ماقيل مردود
منصا رجال الطيب طلقين الايمان
في مجلسه تلقى الشحم وارزاق العود
وامبهرات الكيف بدلال رسلان
وسوالفن يطرب لها البال بركود
علومن لها في مرقب العز عنوان
بالطيب ابو سلطان ماعنه منشود
عزيز النفس وشيمه وسمت وايمان
يالله عساه بنعمتن مالها حدود
وتمدله في عمره سنين بامان
من ساس شيخانن لهم مجد وعهود
سادو على شيه الجزيره بشامان
تاريخهم في صفحة المجد مشهود
اللي حمو بيض الحباري لهم شان
وصلاة ربي عد ماينبت العود
على النبي الهاشمي نسل عدنان.