• ×

10:28 صباحًا , الثلاثاء 22 ربيع الأول 1441 / 19 نوفمبر 2019

زعلان منك للشاعر عبدالله خالد الخالدي

زيادة حجم الخط مسح إنقاص حجم الخط
 زعلان منك للشاعر عبدالله خالد الخالدي
---------
زعـلان منّـك وفـي قلبـي كـلامٍ كثيـر
ودّي افضفض لك وما عندك ايّ اهتمام

وش ذنبي ان كنت احبّك واجد وفيك اطير
ما تدري الـ جالس تسوّيه فيني حرام ؟

والله لو ان قلبك بصدرك حجر ما يصير!
إنّـك تبادلنـي اشواقـي بقـلّ احـتـرام

الشوك في قربك الوخّاذ عندي وثير
وشلون باللي سمع كلمة أحبّك ونام

لا تْمرجحيني عبث والوضع جدّاً خطير
تدلّـت نيـاط قلــبي فوق هَشّ العظام

أنا اعتبرتك وطن حب وحياة ومصير
عيّا عَلَـيْ قلبـي آمـرك مـرور الكِـرام

الّا معك صدّقيني ما عرفت استخير
جيتك وانا راضيٍ بك بين نار وسلام

رابط القصيده عبر قناة بني خالد الرسميه في اليوتيوب
https://youtu.be/sUYuKX4qwPo

بواسطة : admin
 0  0  131
التعليقات ( 0 )