ياصاحبي ~ الشاعر خالد الدليهي

 "
"
"
ياصاحبي ماني من اهل المشافيح
اللي يحبون الفوايد و الارباح

انشد وتلقى العلم مع كل زحزيح
ممدوح لو اني محب التمداح

اخاوي الطيب على هبت الريح
وعلى المعزه والشرف لابس اوشاح

ولاني بقصر في حقوق المفاليح
على النقى نبقى شريفين وصحاح

و لاهمنا قول الوجيه المكاليح
اللي يشبون الفتايل بالاقداح

على النميمه والتفررق مصاليح
وتفرح لياسمعو عن القرم لاطاح

ماهم من اللي وصفهم كنه الشيح
اوصافهم مثل اشهب العج لاكاح

ذي نبذتن عني وانا من طحاطيح
وترى الجبل راسي ولاهو بينزاح


خالد الدليهي ...