• ×

09:09 صباحًا , الثلاثاء 9 رمضان 1445 / 19 مارس 2024

#الشاعر #حمد #الدليهي #رثاء_بالشيخ #علي_بن #حسين_المجدل

زيادة حجم الخط مسح إنقاص حجم الخط
دهام الرطبي #الشاعر #حمد #الدليهي
#رثاء_بالشيخ #علي_بن #حسين_المجدل
#رابط #الفديو #على #قناة #بني_خالد
https://youtu.be/WOOxr39zHSg

رثاء بالشيخ علي بن حسين المجدل

تقدمي يا احزان بااخماس واسداس
على الجبيل وتنسى بهجة العيد

بيارق البسمه غشاها تنكّاس
والطير ماله فوق الأغصان تغريد

ضاقت صدور رجال وانكتمت انفاس
ماعاد لصوات الاهازيج ترديد

انا اشهد انه مات شيخٍ على ساس
شيخ الاصول اللي ماهو شيخ تقليد

شيخٍ مواجيبه تدرس تدراس
منها يضاف لْجيل وسلوم وتفيد

علي حسين اللي على الطيب نبراس
اللي مجود جودة العرف تجويد

ابونهار اللي كسب كل نوماس
مع ساير الايام له صيتٍ يزيد

يوم العرب واحوالها قل وافلاس
بيته مشيّد بالرفيعات تشيّيد

مدهل وملفى كل عاني وعساس
الضيف يذبح له اجزال المفاريد

من مجدل الاول ومانع ودرباس
وحسين والتمجيد يتلاه تمجيد

تاريخ حافل له بطوله وله كاس
من قبل والتتويج ماهوب تجديد

يوم الثلاثي والفرنجي والاقواس
حرب السفن خلد مع الوقت تخليد

محفوظ في لندن موثق بقرطاس
محددين اسماء والافعال تحديد

مرحوم ياللي بالوفاء ماله قياس
ياليت للأعمار فرصه وتمديد

ينعى على فراقه جموع مْن الناس
غير الاقارب فيه ناسٍ مباعيد

يبكي فراقه بالدواوين مجلاس
وشداد له مركى وشعر القواصيد

يبكي فراقة مغتر الريش قرناس
دايم على كفه مضريه ومعيد

يبكي على فراقه نبا حمر الاطعاس
واكبر مساحاتٍ يذكر بها الصيد

ياقبر لاوصيك في طيب الراس
ياقبر هذا اللي بعيد المناقيد

ياقبر خل اعماق داخلك نسناس
خل البراد يجمد الضيق تجميد

عساه يوم الحشر مايشكي الباس
والخلد له فيها قبول ومواعيد

شعر - حمد الدليهي

بواسطة : admin
 0  0  783
التعليقات ( 0 )