• ×

11:42 مساءً , الجمعة 12 ربيع الثاني 1442 / 27 نوفمبر 2020

#عبدالله_الضليعي_الخالدي

زيادة حجم الخط مسح إنقاص حجم الخط
دهام الرطبي #عبدالله_الضليعي_الخالدي
#رابط #الفديو #على #قناة #بني_خالد
https://youtu.be/CR_EPbRbBik

#شعراء_بني_خالد
#بني_خالد

90 عام

"تسعين عام" يدوم عزك يا وطنا كل عام
هبّي علينا يا هبوب العز واطرخ يا علم
"تسعين عام" وقافلتنا سيرها نحو الامام
تبني مكانتها سياستها على روس القمم
يالينها تجاوزت حد الشواهق والغمام
وتربعت فوق الثريا العاليه وارفع نجم
زودٍ على خيرات ربي صفوة ملوكٍ اكرام
من راس ابو تركي لسلمان الشهامه والحزم
سلمان سيفٍ فيصلي في حرب والاّ في سلام
ما يلتفت لـ الفرس والاتراك وعلوج العجم
الداهيه حامي حمى التوحيد والبيت الحرام
سلمان بن عبدالعزيز مثبت اركان الحكم
ارسى دعايمها وعدّل ميلها لين استقام
العدل واللي ما عرف حجمه يخلي له حجم
بـ اوامره يعيد تشكيل السياسة والنظام
حربه على الحوثي مهم وضربه الفاسد اهم
الله يطول عمر قايدنا المحنّك والهمام
يسجل التاريخ وقفاته ويكتبها القلم
وعلى ولي العهد ابو سلمان وابوه السلام
مهندس الرؤية عمى عين المعادي والخصم
الباتر الصارم وريث الملك من راس السنام
فعله يشاف وبينن كالنار من فوق العلم
قام ورفع سقف اولويات الأماني والمهام
متسلح روح الشباب وبالاراده والعزم
والحالمين افكارهم تشعل مصابيح الظلام
من فوق راس طويق حلم نيوم يا اكبر حلم
من غير ابو سلمان ذخرٍ للمهمات الجسام
تعيش يا محمد وهذا الصرح من ذاك الهرم
والجايحه عمّت ولا تعرف خواص ولا عوام
الله يرحم من خذت منّا ويحفظ من سلم
ازمه وعدّت والسعوديه على احسن ما يرام
والحمد للي اسبغ افضاله علينا والنعم
يا دولة التوحيد من يهتف بحبك ما يلام
يبطي عدو ملوكنا وارض السعوديه عظم
فلم الوطن عين المواطن ترقبه في كل عام
يالله عسى ما ننحرم إعادة امجاد الفلم

عبدالله فهد متعب الضليعي الخالدي
الأحد 2 صفر 1442هـ
الموافق 20 سبتمبر 2020م
#اليوم_الوطني_السعودي_90
‎#يا_بلادي_واصلي
‎#اليوم_الوطني90 ‎#السعودية ‎
#عبدالله_الضليعي_الخالدي
#عبدالله_الضليعي

بواسطة : admin
 0  0  85
التعليقات ( 0 )