• ×

04:09 مساءً , الخميس 18 رمضان 1445 / 28 مارس 2024

#الشاعر #حمد #الدليهي #الجدي وسهيل

زيادة حجم الخط مسح إنقاص حجم الخط
دهام الرطبي #الشاعر #حمد الدليهي
#الجدي وسهيل
#رابط #الفديو #على #قناة #بني_خالد
https://youtu.be/Z8bYNLL3RGA


اسري على نور القمر لا ادبح الليل
لاناموا اللي ماضروا بالمساري

وابعد ولي نظره ورى الجدي وسهيل
ماني على الهقوه قريّب محاري

اخذ ولا اعطي عن حياتي تفاصيل
واعلن مع السجات دوم انتصاري

لاسولفوا نقالة القال والقيل
اترك مجالسهم واحدد مساري

واميّز الفارس قبل ميّزة الخيل
احدد احجام البشر با اختياري

واللي يخطم السالفه دوم ويعيل
غشيم ماهو عن اهل العرف داري

من بيني وبينه قطعت المواصيل
ما ابيع في سوقه ولانيب شاري

اروح والدعوى ياراسي تساهيل
واشعل على روس المنيفات ناري

سويت لدروب العلاقات تعديل
مخرج على الراحه ومخرج طواري

حمد الدليهي

بواسطة : admin
 0  0  781
التعليقات ( 0 )