• ×

10:10 صباحًا , السبت 26 ذو القعدة 1443 / 25 يونيو 2022

#الشعر - حمد الدليهي رثاء #ناصر سعدون العطيش الخالدي رحمه الله

زيادة حجم الخط مسح إنقاص حجم الخط
#دهام الرطبي #الشعر - حمد الدليهي
رثاء #ناصر سعدون العطيش الخالدي رحمه الله
#رابط #الفديو #على #قناة #بني_خالد
https://youtu.be/RSsU0G5GrXY



ماكل شخصٍ مات ياعنك مفقود
عزالله انه مات منّك فقيده

ياعنك مات المجد والرمز والجود
النادر اللي له مزايا فريده

ناصر ولد سعدون والموت موعود
سهم المنايا قدر الله يصيده

والحزن بوجيه اكثر الناس مشهود
حزنٍ عسى رب الملا مايعيده

من مسجد الفرقان لاقبره حشود
مثل الحجيج اللي تعلو صعيده

والناس في وقت العزاء كنّها وفود
من قرب جوه وجوه ناسٍ بعيده

مات الذي في حسن الاخلاق محمود
راح وبقى بالطيب وافر رصيده

واسمه فخر واسمه مع الناس معدود
راسَ تنومس فيه روس البديده

يبكي على فرقاه هامات وفهود
نعوه من جتهم وفاته وكيده

يبكيه بيتٍ فيه ماجاه منقود
بابه مشرع والمقهوي وليده

كم فيه قلط للمطاليق مفرود
كم فيه تندار السوالف مفيده

تبرعاته حبلها دوم ممدود
يمناه للمحتاج ماهي زهيده

ياقبر نسنس له من اطرافك النود
خل البراد يجيه من كل حيده

ياقبر وابذله من العطف مجهود
خفف عليه وله دُعانا نزيده

ياقبر ماكنت ادري ان يوم مرصود
اني اسويبه رثاء في قصيده

شعر - حمد الدليهي

بواسطة : admin
 0  0  165
التعليقات ( 0 )