#الشاعر # موفق الخالدي

دهام الرطبي #الشاعر # موفق الخالدي
#قناة #بني_خالد https://youtu.be/3E9MCq14RpU
ياهيه ياللي تنقل اخبار وعلوم
وعندك على نقل السوالف جلادة

ياحيف ثم ياحيف ماعندك سلوم
هرج القفا ماهو للجاويد عاده

يخزيك ربي دام لك فكر محجوم
ويبلاك في عيش النكد والقراده

مالك بخت ياهيه وتشابه البوم
وماخذ من علوم النسا والكياده

شوفك شبيه غراب في يوم مشؤوم
مكروه من رب العباد وعباده

اكيد. مثلك يااسود الوجه محتوم
نار بجهنم في سناها رماده

شرواك مابين المخاليق مذموم
وملعون ذكرك ياضعيف الاراده

غشيم هرج وبالهرج دايم تزوم
بالكذب والبهتان عندك شهاده

هاذي نصيحه لك خليك شغموم
وهرج النميمة مايعلي اجياده

خلك مثل ماقيل فارس و زيزوم
الصمت خير وفيه هيبه ازياده

الصقر في عالي السما يدرك الحوم
يدمي الفريس بمخلبن به حداده

والديك ديك ومسلكه مسلك البوم
ماكل طيرٍ يلحق الصيد صاده

وأرض المهالك لا تقرّب لها رسوم
وتسبغ ثياب الناس بيض وسواده

هاذي تجاره خاسره مابها سوم
ذنوبك تكاثر دون ربح وافاده

وصلو على الي من الخطا دوم معصوم
اعداد ماخط القلم في مداده

على رسول ن عز الاسلام يا قوم
محمد العدنان لأمتو قياده
موفق الخالدي