شيلة زهران وبني خالد

 شيلة
زهران وبني خالد

كلمات الشاعر :
عبدالله بن روم العُمري الزهراني

اداء المنشد :
خالد بن محمد الشواطي الزهراني

تنفيذ :
ماجد بن خضران

رابط التحميل mp3 ⬇ :
http://cdn.top4top.co/d_7822688d891.mp3

كلمات القصيده :

العين تقدح شرر والصدر مثل الحمم
والنفس باهوالها هاجت بزلزالها ..!

ضيف ٍ على المعضله .. يا قافي المحترم
بالهيل والبن الأشقر قرّب دلالها ..!

يشوش راسي وراعي بدعها محتزم
كنّي زبون ٍ على الدلّه وفنجالها ..!

ولْيا تقهويتها .. بأمر الشيم والقيم
لبّست عذرا الفكر تاج ٍ وسلسالها ..!

ما صمت والحرف ياخذني لروس القمم
من عقب شعبان لين يْحين شوّالها

سلام من روس زهران العناصي يعم
على الخوالد هل الفزعات بافعالها

حكام شبه الجزيره من قدم من قدم
خوالدن طابت الهقوات برجالها

خوالدن تنطح القاله وتكسر خشم
السلم يسعى لها والحرب تسعى لها ..!

صغيرهم والنعم والعود ميّة نعم
والناس تمدح هل الشيمات باقوالها

الجار والضيف والعاني يلاقي دسم
واللي زبنهم نسى دنياه واهوالها
ً
مْن الحساء للكويت ابن عريعر حكم
بالسيف والرمح والفريس خيالها

بيض الحباري .. تذرّا في حماه وسَلم
كم شيخ قومن بغاها بس ماطالها

ابن عريعر أمير ٍ في يديه الحسم
بلحاله يْشيخ والعربان بلحالها ..!

خالد ابن نايف العريعر .. اقسم قسم
تاقف له خْشوع كل القوم بإجلالها ..!

وعبدالعزيز ابْن نايف العريعر .. علم
شهم ٍ على الكايده قرم ٍ ويضرا لها ..!

عنك دار الشيوخ عنك دار الكرم
ذي ديرتن تستظل الناس بظلالها

الفارس العقل والعجران راس الهرم
شيوخ واختامهم تتوارث اجيالها

وان جيت جنه هلا يامرحبا اقلط وسم
مجدل يرحب بها في طيب منزالها

الجوسمين مركز الفزاع رز العلم
فهد عبدالله بها وابوه قد نالها

الابل سودن مجاهيم عليها وسم
وسم ابن فزاع والناموس شيالها

خاويتهم بالمعزّه .. والشيم والقيم
واحمد شجاع الصبيح النعْم قد طالها

هذا وانا من رجال ٍ .. فعلهم ما يذم ..
زهران نسل الصحابه طيّب ٍ فالها ..!

زهران لا حل طيش الموقف المحتدم
سمعت صيحات جنّيّه وولوالها ..!

وصلّو على المصطفى نبيّ خير الأمم ..
ابديت شيّ ٍ قليل .. النفس يجتالها ..!

واللي بنفسي عظيم ٍ ما يخطّه قلم ..
وأمر الجماله مناة النفس وآمالها ..!

والحمد للواحد المعبود رب النعم ..
رحمن بيديه خلق الناس واحوالها
https://www.youtube.com/watch?v=96_lBzLikrI