الشاعر خالد الدليهي : الخالدي يلعب وشاش

بدر بن دهام  #شعراء_بني_خالد
#الشاعر #خالد_الدليهي #الخالدي
قومو و تموو يالمناعير الصفوف
الخالدي يلعب وشاش أمن السطر

واللعب يالوافين ماهو بمحفوف
ومن يكمممل الصفيين له منا قدر

ويمرحبا باللي لفانا من ضيوف
اعداد ماهل المطر باللي حظر

واعداد حجاجن على الكعبه تطوف
واعداد ما يضهر من العشب الزهر

ومن بعدها بمدح أمفررقت الصفوف
ربعي بني خالد مقابيس الخطر

اللابه اللي بالشدايد و الصدوف
اتنومس و صيته مع العالم ظهر

حنى سلايل هبس والفعل امعروف
تشهد لنا شبه الجزيره بالظفر

بيض الحباري بالخلا ما جاه حوف
من هيبت اللي حكمهم موتن حمر

لا جاء المصامخ واحتمى حد السيوف
تسمع عزاوينا و نبشر بالنصر

كم شيخ راسه طار من بين الكتوف
وكم سربتن من فعلنا ماتت قهر

كسابت الناموس في كل الظروف
وبيرق بني خالد على العليا شهر

ولا بالقبايل نقص ولا فيهم أضعوف
وافعالهم و امجادهم ما تنحصر

واختم كلامي عد حجاجن تطوف
على النبي الهاشمي خير البشر
خالد الدليهي الخالدي..