ماهو غريب نفوز بالانتخابات

 #العريفي #العرافا
#شعراء_بني_خالد
ماهو غريب نفوز بالانتخابات
حنا الفخر من عاد بقعاء صبيه

فوز(ن)ماهو ترشيح ولا بالاصوات
بحد السيوف المرهفات السطيه

حنا بني خالد لنا الطيب عادات
نطاحة (ن) لضد في كل هيه

يوم السنين الماضيات المخيفات
فعولنا في وسط نجد العذيه
يوم القبايل بينها اتشن غارات
قوم(ن) نصبحها وقوم(ن) عشيه

يوم العزاوي بين جوله وصولات
يوم الرمك والجيش والنار حيه

كم شيخ قوم راح بعداد الأموات
خلي عشاء لوحوش قفر خليه
واليوم ننعم في ذرا أهل المروات
ال السعود العزوه الفيصليه
ملوك دولتنا رجال المهمات
حامينها من كل شر وذيه

يالله يارب البشر والسموات
تحفظ مليك الامه اليعربيه
سلمان عزم وحزم في كل الأوقات
اللي صفع خد العدا الفارسيه

وتحفظ ولي عهده رفيع المقامات
محمد النايف زبون الونيه
ولي ولي عهده زعيم السياسات
حكيم راي وقوة(ن) عسكريه
حكامنا وألهم بسمع(ن) وطاعات
من دونهم نارد لحوض المنيه
الهم ولانا من عصور قديمات
الصف واحد والعزيمه قويه

سعود بن سعد بن مخضار العريفي