#يوسف_حسين_العنزي_في_بدر_الدهام

العنزي كيف ابتدي بالقاف والقلب مكلوم
كله سبايب صاحبٍ عننا غاب
بعد المواصل صرت انا منه محروم
نرضى بحكم الله ولوّ انه صواب
فقدة خويٍّ لي على العز مفطوم
تزيد في حزني ولا اجزع بالاسباب
نصبر وندعي جعل من غاب مرحوم
الله عطا والله خذا زين الاصحاب
الطيب اللي بالمواقيف شغموم
له وقفةٍ يحسب لها ميّة حساب
عهدٍ علي ما انساه يومٍ ورا يوم
وادعي عسى الله يدخله حلو الاطياب
يابدر قلبي عقب فرقاك محطوم
مير التجزع ماهو يرد من غاب
الحمدلله والذي صار مقسوم
ويالله بالفردوس تفتح لنا ابواب