#ابو سيف الخالدي

الشاعر لاشفت خلّك مقبلٍ لا تقفي

ترى مقابيل الليالي مقافي

طول السكات وسفه خلك تجفّي

لو كان ما طبعك مع الناس جافي

لاتحسب ان ردّ الرسايل يكفّي

هذا ترى في الحب ماهوب كافي

شوف الثياب الدافية ما يدفّي

يدفيك ملبوسٍ على الجسم ضافي

ولا تقول شفّه غير وانا وشفّي

انته سبب جرحه وفيك التشافي

واذا نقص جور الزمن لا توفّي

ولاتكون بجرح الأحباب وافي

ابو سيف الخالدي
بانقور
١٤٣٨/٢/٨ هجري