ياموج شعري : خلف بن عثمان الخالدي

 يامواج شعري اوصلي شاطي الحب
وخلي حبيب الروح ينظر لحالي

قوليله اني بالوفى كلي اشتب
ومرضى بديله لو تطول الليالي

لا ياونيس البال لا قامت تهب
بالليل نسمات الغرام الطوالي

ابطلبك مره وعشره ابطلب
نرقى سماء مدامه الحب عالي

وخل العواذل تكثر الهرج وتسب
وحنى نسامر نايفات الجبالي

اصوغلك فكري كلامن مهذب
مدامك انتي بالمحبه حلالي

بنيت لك قصرن شمخ مابه الكذب
ساسه مشاعر صادقه ماتبالي

ايه اعشقك والحب نعمه من الرب
وانا اشكر الخالق عظيم الجلالي

الشاعر : خلف بن عثمان الخالدي