#الشاعر محمد الشمردل الخالدي

محمدالناعم #الشاعر محمد الشمردل الخالدي

اسمع كلام الخالدي وابعد اميال
مازلت ماسك جيشنا في صفوفه
ابن شمردل لانتهظ جاك زلزال
مثل البحر لاهاج ياخذك طوفه
ساس الفتى لا صار ماهو من جبال
لا يخطي الخطوه على غير نوفه
الطايله تبغى لها افعالن طوال
ماطالها منهو قصيره كفوفه
ترا الفخر بين العرب صيت وافعال
تاج على روس المعالي نشوفه
إما شجاع ينطح شيوخ ورجال
وإلا كريم يشتهر في ضيوفه
عن لا بتي صغت المعاني والامثال
هم عزوة اللي شيبنه ظروفه
كل المطر هامات مافيهم قلال
امان للي من عنا الوقت خوفه
واهل الضويحي والعلي مضرب امثال
مداتهم لضيف تنعش كتوفه
نيرانهم لطيب دايم لها اشعال
يشوفها اللي وسط حايل وكوفه
اهل الدسم والخيل والجاه والمال
اهل التمر والعود بجود صنوفه