شعرء بني خالد

الشاعر مساجله شعريه بين
الشاعر /سالم العطوي
والشاعر/ناصر الخالدي
والشاعر/مراد الخالدي
ويسند فيها الشاعر سالم العطوي على الشواعير..

قلي تبيع الطير ياناقل الطير
ولا محرم يالسنافي تبيعة
له هيبن تعجبك بين الصقاقير
وله هدتن لارخی عليهن سريعة
هذا هوا وعشق الرجال المشاهير
اللي علی فعل الجزايل شجيعة
من راس قوم تفعل الطيب والخير
أهل الوفا وأهل الصدور الوسيعة
ولا بساعات الوغا فعلهم غير
قدم العدو مثل الحصون المنيعة
وختامها مني تحية وتقدير
للخالدي راع المزايا الرفيعة

الشاعر/سالم العطوي

يا مرحبا باللي ورد جمّت البير
يشرب ويسقي تحت حكم الشريعه

الطير احبه حب همّام للزير
ويرخص لجل من طيب فعله طبيعه

وبعض الطيور اقدّره كنّه امير
إليا زهمته يعجبك في صنيعه

وإليا نقلته وسط ربعن مناعير
في خايعن وبل الوسم عل ريعه

وفيه الخزاما والنفل والنواوير
والصيد ذِكره كل دايج يذيعه

وفي طارفه ذودن ازيانن مغاتير
راعيّها من طيب راسه نطيعه

كني حكمْة من الحفر لين خرخير
والا الوليد ارخص عشاني وديعه

هذي علومي واسمح ان جاك تقصير
انت اعطويّن مركزك بالطليعه

رد الشاعر/ناصر الخالدي

////////////////////////
الطير مابيعه لوحدتني المقادير
طيري ياسالم حالفن ما ابيعه

مابيعه ولو شرايته طوابير
ولوهم عطوني الارض بزاهي ربيعه

اللي عشانه كم قطعت المشاوير
الطير هوى بالي وحبه طبيعه

حبه طغى على حب الغنادير
ودونه حياتي تضيق لو هي وسيعه

اهون علي موته من حراج الصقاقير
وما اهون من الموت الا مضيعه

والذ مابنفسي هداده تالي عصير
وليا عتلى مطفوق هداته سريعه

واكبر نواميس الولع لافرعو بالطير
وطلع على خربن واثبت طليعه

يشوش راسي والحباري كوابير
شوشت عديمن قاطعن من قطيعه

واجمل ماشافت عيوني والتصاوير
لا علقه بالجو وارصع رصيعه

وسلام لكم مني يالرجال المناعير
وصلاة على النبي رسول الشريعه

مراد الخالدي