• ×

10:10 صباحًا , الثلاثاء 13 ذو القعدة 1445 / 21 مايو 2024

جديد الشاعر حسن بن طلحاب،، قصيدة (يا مخلف الهقوه قلبت الموازين)

زيادة حجم الخط مسح إنقاص حجم الخط
دهام الرطبي جديد الشاعر حسن بن طلحاب،،
قصيدة (يا مخلف الهقوه قلبت الموازين) #قناة بني خالد
https://youtu.be/tS26oxXkaHQ?si=yL8dlSF9AgQxZq4s

يا مخلف الهقوه قلبت الموازين
و ش حدنا للحين ندفع ثمنها
المسأله صعبه ولو كنتنا ذهين
وقْعَتْ بكف بخيل صوبي كمنها
كل ما بغيت اتزين عيت لهي تزين
عالي سماها خر لقصى طمنها
يالعاقل الجاهل تبيها على وين
هذا زمانك لاسقى الله زمنها
لك زلةٍ تشره عليها الميامين
أخفيتها في وسط صدرٍ دفنها
حتى لو ان افعولنا تدمي العين
والحال من فعلي لبسكم وهنها
فنا على وضح النقا مانجي الشين
والمثنوي عندك زحولٍ غبنها
ماهيب لحية ون، ومذارف البين
من باخصٍ كل المثالب، ركنها
نبغى نحل الوضع، عاجل وذا الحين
من قبل لا نجهل، ونطلق رسنها
مانيب جاهل، مير فارس ميادين
والظلم وأهله كل دينٍ لعنها
ناطى على نارٍ وناطى على طين
مابي بين حلم وحزم نرفض علنها
ياخاطري ياقو باسك فلا تلين
حتى لو ان الروح، غيرك رهنها
جتني ركايبهم تدرهم ملاوين
شيٍ عقلته وشي خضَّر لبنها
وش خلص المجنون طاح بمجانين
صامل ويعزف من طناخه لحنها
مانيب غادي لكن الناس غادين
مدري غديت ولابس لي كفنها
الحيره اللي مالها من براهين
ما أطول على الرجال سمرة حَزَنْها
نمسي على نار الغضب مستغثين
ولا ندم في لحظةٍ طشت منها
يا مشكلات الوقت وش عاد تبغين
في سجن قرمٍ مشكلاتها سجنها
يالله بصوره تتضح تجلي العين
يارب خارجنا وسخر سدنها
ما عاد به شره غدا الناس لاهين
ضعفت عزايمها لا غرك بدنها
العلم لامنه غدا للنساوين
تتغرب العزه وهي في وطنها
تشابكت واتشربكت وازرت تبين
تلاطمت حتى أركدت في دَخَنْها
واليوم أنا وَجْوَارحي خَضْع ناصين
لله واسلمنا لربٍ ضمنها
يارب تسقيني من الصبر والدين
والحلم والحكمه و قلبٍ فطنها
تمت ونا ظني بربي لها تزين
ماخاب ظن العبد في اللي وزنها

الشاعر /حسن بن فهد بن محمد آل طلحاب العقيلي الخالدي.
سناب hfmtk

٤،، ٨،، ١٤٤٥ هجري.

بواسطة : admin
 0  0  99
التعليقات ( 0 )