#ابو سيف الخالدي

الشاعر يا ذيب ياللي بالعوا

يوقظ عيون غافية

انا خويك في الهوى

رجلي ورجلك حافية

تبي عشاك من الشوى

والا اللحوم الظافية

الناس ما هم بالسوى

فيهم رجال وافية

وفيهم ملاعين الثوى

اهل العلوم الهافية

بعض الاوادم كالدوا

في قربها لك عافية

وبعض العرب سم ودا

لو كان كفه دافية

احدٍ بورده قد روى.

يشرب دليٍ صافية

واحدٍ ردي عزم وثوى

ناره رماد وطافية

لا جاه شيء التوى

وأبدى العلوم الخافية


ابو سيف الخالدي
بانقور
١٤٣٧/١٢/١ هجري