• ×

03:44 مساءً , الجمعة 19 رمضان 1445 / 29 مارس 2024

تفاعل الشاعر حسن العقيلي مع حمله عتق رقبه فيصل العريعر

زيادة حجم الخط مسح إنقاص حجم الخط
 سلام مني للنشامى المناعير
اللي على البيضا طويلن خطاها

اللي لهم في القوم مورد وتصدير
مايصدرون الا بمكسب عداها

قصدي بني عمي ظلال الغنادير
لاد العقيلي عزوة اللي نصاها

حضوبن على الواجب ولا فيه تأخير
سبحان منهو بالجمايل كساها

لاد العقيلي في المواقف ترى غير
لامن دعاها الصوت يكثر عطاها

صوت لها فيصل وهو بغبة البير
تكفون ياربعي انا في عناها

في وسط سجنن معه ضيقة وتكدير
والنار تحرق من برجله وطاها

زهمتكم تكفون لايصير تقصير
من غيركم بيض الحبارى حماها

قوموا بني خالد صغيرن مع كبير
انتم ترى للعين غاية مناها

فيصل بني عمك تبشرك بالخير
جمع الخوالد سعد منهو دعاها

ويالله ياللي له صلاتن وتكبير
تفك فيصل من سجون وبلاها


الشاعر / حسن بن فهد بن طلحاب العقيلي
1438/7/3

بواسطة : admin
 0  0  1.6K
التعليقات ( 0 )