#عبدالله_الضليعي_الخالدي. /واتسب

 #عبدالله_الضليعي_الخالدي
رابط الفيديو على قناة بني خالد
https://youtu.be/B54iQITNGj4
"واتسب"
واتسب اللي يجي لك بالعلوم
الوافيات الزاهيات .. النيّرات
لا جمعك الله في ربعٍ قروم
مثل دجله يوم باراه الفرات
لا يبون ولا تبي منهم رسوم
ولا مباديهم مثل ما جات جات
والنصيحه حق للمسلم عموم
وانصح قليبن يجوّد بالوصات
اعلم انّا ما حدن مّنا يدوم
لو هو يواصل صيامه بالصلاة
القدر جاري علينا وامحتوم
لا يخلي لا نبي .. ولا نبات
ما يدوم الا الذي وجهه يدوم
ولا يروم المجد يا كود العتاة
الشجاعه ماهي بجسم وهدوم
والستر لا هو ببشت ولا عباة
قالها اللي عاش بالدنيا جزوم
في رجا ربٍ عيونه ما تبات
لا يهاب ولا يُضام ولا يلوم
كود نفسه .. لا تبلته الحياة
مومن بربي ورزقي والقسوم
ولا علي لو قالو العربان مات
مات لكن في رجا من لا يسوم
وان عطى رحمن ما يبغى وصاة
قول عبدالله فهد ما مر يوم
ما ذكرت الموت وأسباب النجاة
لكن الله .. ارحم من امٍ رؤوم
ويرحم اللي لا عيال ولا بنات
وحده اللي نسأله في كل يوم
يغفر الزلات من قبل الفوات
#عبدالله_الضليعي_الخالدي
#شعراء_بني_خالد
#بني_خالد